Ayudang pinansiyal sa mga kooperatiba panagat ug tigpanindag isda lapad nga ipatuman sa probinsiya

LAPAD nga ipatuman ni Gob. Edgar Chatto ang programang moayuda sa mga kooperatiba sa panagat ug mga tigpanindag isda sa Bohol.

Kini usa sa mga estratehiyang gitoohan nga makatampo sa pagkontrolar sa makabukog nga kamahal sa presyo sa isda sa Bohol, ilabina na dinhi sa syudad sa Tagbilaran.

Daghan sa sektor sa pangisda ang napiit sa mga pahuwam nga dagkug tubo mao nga adto sab kini nila ihapak sa presyo sa isda aron makabawi.

Aduna say mga kapitalista sa Sugbo nga nagpahuwam mao nga mapugos ang mga mangingisda sa pagtumod ngadto kanila sa abot nga gikan sa kadagatan sa Bohol.

Matud sa gobernador andam sab ang probinsiya nga makig-counterpart sa mga LGU nga adunay mga ayuda ngadto sa mga hugpong ug kooperatiba sa mga mananagat ug lab-asera.