KAPIN sa P1.4 milyones nga abag sa panginabuhi ang i-apud-apud ngadto sa 60 ka pamilya sa Tubigon ubos sa Self-Employment Assistance Kaunlaran (SEA-K) Level 2 Program sa DSWD karong buntag.
Kini follow-up program sa mga benepisyaryo o grupo sa SEA-Kabayan nga nakatapos sa pagbansay-bansay o malamposong nidumala sa inisyal nga ayuda ubos sa SEA-K Level 1.
Nag-alayon ang DSWD, kagamhanang probinsiyal ug munispiyo sa maong programa nga nagtabang sa ginagmayng negosyo ug bisan sa pag-ayo sa pinuy-anan sa mga kabus.
Ang ayuda itunol pinaagi kang DSWD Regional Director Ma. Evelyn Macapobre ug Provincial Officer Carmelita Tecson, Gob. Edgar Chatto, Kong. Rene Relampagos ug kadagkuan sa Tubigon.
Sa iyang suwat gipasalamatan ni Macapobre si Chatto sa way bugtong suporta sa kapitolyo sa programa nga para sa katawhang nabentahaan sa ekonomikanhong kaayohan.
No comments:
Post a Comment