DUNGAN nga buksan ang Bohol Organic Agriculture Summit ug Ubi Festival nga tambongan mismo ni Kalihim Proceso Alcala sa Departamento sa Agrikultura sa Bohol Cultural Center ugma sa buntag (Martes).
Ang kalihim makig-uban sa mga lider sa probinsiya pinangunahan ni Gob. Edgar Chatto sa paglusad sa daghang proyekto sa agrikultura ug panginabuhi.
Lagdaan sa kagamhanang probinsiyal ug Bohol Organic Farmers’ Alliance (BOFA) ang Declaration of Commitment sa pag-promote sa organikong panguma agig tubag sa kausaban sa klima.
Human sa opening ceremony sa Organic Agriculture Summit isunod karong udto ang pormal nga pagbukas sa mga exhibit sa Ubi Festival.
Labing una kining higayon nga gihimo sa Bohol ang Organic Agriculture Summit samtang ang Ubi Festival maoy ika-11 sukad kini gisugdan sa bise gobernador pa si Chatto uban kang kanhi Gob. Rene Relampagos kinsa kongresista karon sa Unang Distrito.
No comments:
Post a Comment