Subhan ning semanaha ang 3 ka proyekto nga dakug ikatabang sa mga mag-uuma

TULO ka proyekto ang subhan ning semanaha nga makatampo sa panginabuhi sa mga Bol-anon ilabina sa sektor sa agrikultura.

Apil niini ang bag-ong galingan sa humay para sa Farmers and Irrigators Association sa barangay Guingoyuran sa Dimiao nga giinagurahan kagahapon (Lunes).

Gipahalipayan ni Gob. Edgar Chatto ang mag-uumang komunidad didto kay bulawan para kanila ang pasilidad nga gilauman sa gobernador nga modaghan pa sa ubang dapit sa probinsiya.

Uban ang kadagkuan sa lungsod, si Chatto manguna sa pag-inagurar sab karong Sabado sa bag-ong merkado ug bagsakan center sa Anda nga pulos tumoranan sa mga produkto sa bukid ug dagat.

Mahinungdanon ang mga bagsakan center kay adto itumod ang mga abot sa agrikultura sa presyo nga ubos kon itandi na sa dagkung kamerkadohan.