SUGDAN sa alas 9 karong buntag ang Bohol Development Initiatives for Prosperity Fair 2010 sa Bohol Cultural Center.
Ang dakung kalihukan pangunahan nila ni Gob. Edgar Chatto ug Bise Gob. Concepcion Lim uban ang mga pinasidunggang bisita nga sila si Sen. Loren Legarda, Sen. Bongbong Marcos ug Australian Ambassador Rod Smith.
Lagdaan ang usa ka kasabotan alang sa tiunay nga kauswagan tali sa kagamhanang probinsiyal ug mga NGO sa Bohol.
Laing kasabotan ang pirmahan tali sa probinsiya ug mga LGUs nga pilot areas sa proyektong abagan sa Philippine Commission on Women. Ang komisyon representahan ni Dir. Emmeline Versoza.
Ang prosperity fair mohangtud karong hapon uban ang presentasyon sa daghang proyekto ug pagsiguro sa mga commitment sa katumanan niini.
No comments:
Post a Comment