GIPAHINUMDUMAN ang tanang hepe sa buhatan sa kapitolyo sa hugot nga koordinasyon tali sa buhatan sa gobernador kalabot sa unsa man nila nga mga plano, programa ug gimbuhaton.
Gitataw sa memorandum-advisory ni Gob. Edgar Chatto nga aduna siyay mandato sa pagtan-aw sa kinatibuk-an nga kalihukan sa kagamhanang probinsiyal nunot sa Local Government Code of 1991.
Ang hepe ehekutibo sa lalawigan kinahanglan usab nga masayud sa mga assessment ug strategic planning workshop sa unsa man nga departamento sa kapitolyo.
Kini aron makatampo mismo ang gobernador og mga ideya nga makagiya sa tanan alang sa mas hapsay nga panggoberno ug serbisyo.
Sa ingong paagi mahibawo sab ang gobernador sa unsa man nga kakuwangan sa kagamhanan nga makaapekto sa kaugmaran sa Bohol ug mga Bol-anon sumala sa iyang memorandum.
No comments:
Post a Comment