Mga batan-ong mag-uuma ug tigpasanay og tilapia nanumpa sa atubangan sa gobernador

NANUMPA sa atubangan ni Gob. Edgar Chatto ang bag-ong opisyales sa Young Farmers Provincial Federation ug Tilapia Growers Association.

Gipasalig sa gobernador ang matinud-anong suporta sa kapitolyo ngadto kanila alang sa mas abundang pagkaon sa mga Bol-anon.

Kanit sa programa sa produksyon sa pagkaon, gihimo sa Malinao dam sa Pilar kagahapon ang ikaduhang stakeholders meeting sa Departmaneto sa Agrikultura ug National Irrigation Administration.

Kini human nga nitambong mismo sa budget hearing sa Senado ang Bol-anong rehiyonal nga hepe sa NIA nga si Modesto Membreve sa niaging semana.

Buot ni Gob. Chatto nga mas mapuslan sa mga Bol-anong mag-uuma ang mga pasilidad sa irigasyon kay ang dakung produksyon magkahulogan og abunda ug barato nga bugas humay.