GILUSAD sa kapitolyo pinangunahan ni Gob. Edgar Chatto kagahapon ang Provincial Network Interconnectivity Project nga modugang og kapasidad sa pagpadagan sa kagamhanang probinsiyal.
Ang Bohol maoy labing una ning maong sistema sa tanang probinsiya sa Pilipinas nga suportado sa Australian Assistance for International Development (AusAID) nunot sa programang Philippine Provincial Road Management Facility (PRMF).
Dungan niini ang inagurasyon sa bag-ong buhatan sa Bohol Information Communication Technology Unit (BICTU) ug Provincial Internal Audit sa silong sa kapitolyo.
Sa maong kalihukan gitunol sa PRMF pinaagi ni Provincial Coordinator Linda Paredes ngadto sa probinsiya pinaagi sa gobernador ang mga ekipo sa information and communications technology ug geographical information system balor og P12 milyones.
Ang Bohol mao say unang probinsiya sa nasud nga nakakuha sa maong mga ekipo gikan sa AusAID-PRMF.
No comments:
Post a Comment