Giila sa gobernador ang krusyal nga papel sa mga budget officer sa operasyon sa lokal nga kagamhanan

GIILA ni Gob. Edgar Chatto ang mahinungdanong katungdanan sa mga budget officer sa operasyon sa lokal nga kagamhanan.

Matud niya krusyal ang papel sa mga budget officer sa pagsiguro nga balanse ang pinansiyal nga kahimtang sa goberno.

Kini gipalanog sa gobernador kinsa mao mismoy keynote speaker sa forum kalabot sa local budget legislation sa Association of Local Budget Officers sa rehiyon nga gihimo dinhi kagahapon (Miyerkoles).

Karong gabii mamumolng na sab si Chatto sa laing grupo ug kini maatol sa National Executive Board Meeting sa Vice Mayors’ League of the Philippines sa Panglao Island Nature Resort sa Dauis.

Ang maguwang sa gobernador nga si Bise Mayor Efren Chatto sa Balilihan maoy presidente sa mga bise mayor sa Bohol