GIINAGURAHAN ang mahinungdanbong dalan nga nagsumpay sa Catigbian ug Canmano sa Sagbayan, partikyular na ang habig sa barangay Sta. Catalina, ug ang Poblacion-Sagbayan Sur-Kabasakan road.
Gipangunahan ni Gob. Edgar Chatto, Bise Gob. Concepcion Lim, Bokal Romulo Cepedoza, Bokal Roygie Jumamoy, Sagbayan Mayor Ricardo Suarez ug Bise Mayor Charito Lao ang seremonyas.
Nagpada og representante si Kong. Erico Aumentado sa inagurasyon sa maong mga dalan nga nahisakop na Segundo Distrito.
Ang pagsemento sa duha ka dalan nikantiad og halos P6 milyones samtang laing importanteng dalan sa Sagbayan ang konkretohon pinaagi sa Provincial Road Management Facility (PRMF) Project.
Ang umaabot nga pagsemento gastohan og halos P15 milyones sa PRMF, gawas sa gisaad ni Chatto nga dugang P3 milyones.
No comments:
Post a Comment