Midayeg ug mapasalamaton ang embahador sa Espanya nga si Luis Arias-Romero sa kagamhanang probinsyal sa Bohol sa matud niya talagsaong pag-abi-abi kanila sa pagdunggo sa Galeon Andalucia sa baybayong Bol-anon.
Ang kamatinagdanon sa mga Bol-anon mitatak sa panumduman sa embahador ug mga tripulante sa galleon nga nidunggo sa Loon Bohol International Cruise Ship Port ug pantalan sa Tubigon niadtong Oktubre 23 hangtud sa 27.
Nalingaw kaayo sila bisan sa hamubo nilang pag-bisita sa Bohol diin usab sila nakahigayon sa pagsuroy-suroy.
Ang galleon atua na karon sa Singapore nga maoy katapusan nilang dunggo-an sa di pa molahus balik sa Seville sa Espanya.
Gilawig sa replika sa karaang barko sa mga Katsila ang Indian Ocean, Red Sea ug Mediterranean Sea nga kabahin sa kalibutanong rota sa patigayon sa antik nga panahon. (Leah/EDCom)
No comments:
Post a Comment