Wednesday, September 29, 2010

Tree Planting himoon atol sa Family Day sa mga kawani sa Kapitolyo

Ipahigayon karong Oktubre 1 ang unang Family Day ubos sa liderato ni Gob. Edgar M. Chatto. Ang Family Day gigahin alang sa pagpananom ug kakahoyan sa Bayongan, San Miguel.

Gidasig sa gobernador ang mga empleyado sa matag buhatan nga musalmot sa maong pagpananom palibot sa water dam ug sa mga palibot nga sakop sa National Irrigation Administration. Niining pamaagiha mapakita sa mga empleyado ang pagpanumbaling sa atong kalikupan.

Human sa pagpananom adunay hamubo nga kalingawan ug pagpasundayag ang mga buhatan.

Kampanya batok sa dengue gipalanog

Gipanghingusgan ang kampanya batok sa gikahadlokang sakit nga dengue. Gipatataw ang pagpalahutay sa information drive kalabot sa hustong pamaagi sa pagpanghinlo.

Base sa tala sa Provincial Health Office, 14 na ang nakabsan sa kinabuhi tungod sa dengue sa Bohol. Samtang 1,621 ang mga kumpirmadong kaso sa dengue sa atong lalawigan. Kini magpamatuud nga ang hulga sa dengue angayan nga hatagan ug pagtagad ug pagdumala.

Tungod niini gi-awhag ni Gob. Edgar M. Chatto ang tanang hepe sa mga buhatan sa kagamhanang probinsyal atol sa ilang tigum kagahapon (Lunes) nga ipadayon ang clean up drive nga gisugdan niadtong Septembre 17, 2010.

Aron mahimong magmalapuson ang kampanya batok sa dengue, ipaagi sa usa ka memorandum ang maong pag-awhag nga ipalanog usab sa mga mayor, sa simbahan ug sa media. Mahinungdanon ang pagpakatap sa hustong impormasyon mahitungod sa pagsumpo sa dengue didto sa kabarangayan ug kapurokan.

Gipalakat usab karon sa gobernador ang pagpangita ug pondo aron mahatagan sa tabang pinansyal ang mga kabus nga biktima sa dengue.

Unang ARC Cluster sa Central Visayas sa panahon ni Pres. Aquino gilusad sa lungsod sa gobernador sa Bohol

GILUSAD sa Balilihan, lungsod ni Gob. Edgar Chatto. ang labing unang Agrarian Reform Community (ARC) Cluster sa Tunga-tungang Kabisay-an sa administrasyon ni Pres. Noynoy Aquino.

Kini giatol sa ika-182 nga Sumad sa Balilihan nga gitambongan mismo ni DAR Asst. Sec. for Finance, Management and Administration Felix Perry Villanueva, Reg’l. Exec. Dir. Rudy Inson, DENR Reg’l. Dir. Leonardo Sibbaluca, Gob. Chattto, ubang opsiyal sa probinsiya, Mayor Dominisio Chatto, Bise Mayor Efren Chatto ug uban pa.

Ang proyekto sa daghang aspeto sa kaugmaran gitawag og CABATUANS ARC Cluster nga naglangkub sa Catigbian, Balilihan, Tubigon, Antequera ug San Isidro.

Kini mopalapad sa kalambuan nga napahimutang na sa Balilihan, Catigbian ug Balilihan nunot sa nahaunang programa sa ARC sa maong mga lungsod ug mopatuman sa mga bag-ong proyekto sa Antequera ug San Isidro.

Giila sa kadagkuan sa DAR ang suporta ni Chatto sa programang agraryo sukad sa kongresista pa siya.

Gilagdaan ang kasabotan sa CABATUANS ARC Cluster uban sab nila ni Mayor Roberto Salinas sa Catigbian, Dominisio Chatto sa Balilihan, William Jao sa Tubigon, Jose Mario Pahang sa Antequera ug Jacinto Naraga sa San Isidro

Tuesday, September 28, 2010

Tree Planting himoon atol sa Family Day sa mga kawani sa Kapitolyo

Ipahigayon karong Oktubre 1 ang unang Family Day ubos sa liderato ni Gob. Edgar M. Chatto. Ang Family Day gigahin alang sa pagpananom ug kakahoyan sa Bayongan, San Miguel.

Gidasig sa gobernador ang mga empleyado sa matag buhatan nga musalmot sa maong pagpananom palibot sa water dam ug sa mga palibot nga sakop sa National Irrigation Administration. Niining pamaagiha mapakita sa mga empleyado ang pagpanumbaling sa atong kalikupan.

Human sa pagpananom adunay hamubo nga kalingawan ug pagpasundayag ang mga buhatan.

Kampanya batok sa dengue gipalanog

Gipanghingusgan ang kampanya batok sa gikahadlokang sakit nga dengue. Gipatataw ang pagpalahutay sa information drive kalabot sa hustong pamaagi sa pagpanghinlo.

Base sa tala sa Provincial Health Office, 14 na ang nakabsan sa kinabuhi tungod sa dengue sa Bohol. Samtang 1,621 ang mga kumpirmadong kaso sa dengue sa atong lalawigan. Kini magpamatuud nga ang hulga sa dengue angayan nga hatagan ug pagtagad ug pagdumala.

Tungod niini gi-awhag ni Gob. Edgar M. Chatto ang tanang hepe sa mga buhatan sa kagamhanang probinsyal atol sa ilang tigum kagahapon (Lunes) nga ipadayon ang clean up drive nga gisugdan niadtong Septembre 17, 2010.

Aron mahimong magmalapuson ang kampanya batok sa dengue, ipaagi sa usa ka memorandum ang maong pag-awhag nga ipalanog usab sa mga mayor, sa simbahan ug sa media. Mahinungdanon ang pagpakatap sa hustong impormasyon mahitungod sa pagsumpo sa dengue didto sa kabarangayan ug kapurokan.

Gipalakat usab karon sa gobernador ang pagpangita ug pondo aron mahatagan sa tabang pinansyal ang mga kabus nga biktima sa dengue.

Sunday, September 26, 2010

Napili na ang 10 ka mga finalists nga magsangka sa Sumad Balilihan Singing Idols karong gabii (Martes)

NAPILI na ang 10 ka mga finalists gikan sa nagkalain-laing dapit sa probinsiya nga magkumbati sa prestihiyosong sangka sa mga mag-aawit sa Bohol ning tuiga nga mao ang Sumad Balilihan Singing Idols karong gabii (Martes, Sept. 28).

Ang mga banggiitang amateur singing talents mao sila si Cristal Rose Manuta, Ann Marie Bastasa, Windsor Felisilda, Arvel Mae Felisilda, Rochelle Edo, Albelyn Mae Balatero, Melissa Ann dela Cruz, Roan Marie Vallota, Julius Banal ug Mecerdita Quiachon.

Ang kampeyon mobulsa og P5,000, ikaduhang dapit, P3,000, ug ikatulong dapit, P2,000, samtang adunay consolation prize nga P500 matag usa sumala ni Jundel Danila nga nagdumala sa kompetisyon.

Ang Singing Idols usa sa mga atraksyon sa usa ka semanang kasaulogan sa ika-182 nga Sumad sa Balilihan nga mabolokong taposon ugma, Septiyembre 29.

Daghang kabataang kabus makapahimus sa mas lapad nga educational program sa probinsiya

MAS daghang kabataang kabus ang makapahimus sa mas lapad nga Educational Subsidy Program sa administrasyon ni Gob. Edgar Chatto ug Bise Gob. Inday Lim.

Ang bag-ong programa mopalapad sa CPG Scholarship Program sa probinsiya kay maapil na niini ang sistema sa ayudang pang-edukasyon nga gipatuman ug nagmalamposon sa kongresista pa si Chatto sa Unang Distrito.

Si Chatto mao mismoy amahan sa ordinansa nga nagtukod sa CPG Scholarship Program sa kapitolyo sa dihang siyay bise gobernador ug presiding officer sa hunta probinsiyal 14 ka tuig na ang nilabay.

Suportado sa SP karon ubos ni Bise Gob. Lim ang Educational Subsidy Program nunot sab sa positibong rekomendasyon sa komiteba sa edukasyon kansang tsirman mao si Bokal Yul Lopez ug komiteba sa aproprasyon pinangulohan mismo sa bise gobernador.

Ang de kalidad nga edukasyon nga maabot sa mas daghang kabataang Bol-anon usa sa mga nag-unang prayoridad ni Chatto kay alang kaniya ang tukmang kaalam bahandi sa mga kabus.